મહિલા સન્માન બચત પત્રમાં બે વર્ષ માટે બે લાખ રૂપિયા જમા કરી શકો છો અને જરૂર પડ્યે તેને ઉપાડી પણ શકો છો
- મહિલાઓને મોદી સરકારની મોટી ભેટ
- મહિલા સન્માન બચત પત્રની શરૂઆત
- બે લાખ સુધીનું ટેક્સ ફ્રી રોકાણ થશે
- 2025 સુધી 2 લાખ જમા કરે તો 7.5 ટકાના દરે વ્યાજનો લાભ
કેન્દ્ર સરકારે બજેટમાં કરેલી જાહેરાત મુજબ હવે મહિલાઓ માટેની યોજનાઓ બહાર પાડવામાં આવી છે. સરકારે અત્યાર સુધી મહિલાઓ માટે ઘણી બધી યોજનાઓ બહાર પાડી છે, પરંતુ મહિલા સન્માન બચત પત્ર એક અલગ વસ્તુ છે. સરકારે મહિલાઓને સશક્ત બનાવવા માટે દેશભરની સ્ત્રીઓને એક ખાસ ભેટ આપી છે. સરકારે જણાવ્યું કે, હવેથી મહિલાઓને બે લાખનો ફાયદો થશે.
આ યોજનામાં જો કોઈ મહિલા અથવા છોકરી 2025 સુધી આ યોજનામાં 2 લાખ રૂપિયા જમા કરાવે છે, તો તેમને 7.5 ટકાના દરે વ્યાજનો લાભ મળશે. ખાસ વાત તો છે કે, આ બચત પર કોઇ ટેક્સ લાગતો નથી. તમે આ સ્કીમમાં 2 લાખ રૂપિયા સુધીનું રોકાણ કરી શકો છો. મહિલા સન્માન બચત પત્રનો લાભ માત્ર મહિલાઓ જ લઈ શકે છે.
.jpg)
આ લાભ લેવા શું કરવું પડશે ?
આ માટે ઈન્ડિયા પોસ્ટ પેમેન્ટ બેન્કમાં જાઓ અને ત્યાં જરૂરી દસ્તાવેજો સબમિટ કરો. આમાં લોકો ઓનલાઈન પણ અરજી કરી શકશે. મહિલા સન્માન બચત પત્ર મેળવવા માટે મહિલાના નામ પર આધાર કાર્ડ, પાન કાર્ડ હોવું જરૂરી છે. પાન કાર્ડને આધાર કાર્ડ સાથે લિંક કરવું જોઈએ. મહિલાને ફોર્મ ભરતી વખતે OTP આપવા માટે મોબાઈલ નંબર અને ઈમેલ આઈડીની જરૂર પડી શકે છે.
મહિલા સન્માન બચત પત્રમાં બે વર્ષ માટે બે લાખ રૂપિયા જમા કરી શકો છો અને જરૂર પડ્યે તેને ઉપાડી પણ શકો છો. જેમાં તમારે કોઈ ટેક્સ ચૂકવવો પડશે નહીં. આ યોજનામાં વ્યાજ સારું મળે છે, જોકે તેમાં રોકાણની મર્યાદા 2 લાખ રૂપિયા નક્કી કરવામાં આવી છે. એટલે કે જો કોઈ મહિલા તેમાં વધુ પૈસા રોકવા માગતી હોય તો તે કરી શકતી નથી. આ સિવાય આ બે વર્ષની સેવિંગ સ્કીમ હશે. તો આ સ્કીમમાં 2025 સુધી જ રોકાણ કરી શકો છો.Credit vtv Gujarati
No comments:
Post a Comment